२६ पुस, काठमाडौं । विशेष आर्थिक क्षेत्र (सेज)भित्र अब सेवामूलक उद्योग पनि स्थापन हुन सक्ने भएका छन् ।
मन्त्रिपरिषद् बैठकले अबदेखि विशेष आर्थिक क्षेत्र (सेज) भित्र सेवामूलक उद्योग पनि स्थापना गर्न अनुमति दिने निर्णय गरेको छ ।
सेजभित्र हाल उत्पादनमूलक उद्योगले मात्रै सञ्चालन अनुमति पाउँदै आएका छन् । सेवामूलक उद्योग सञ्चालन गरिरहेका उद्योगीहरूले सेजभित्र उद्योग सञ्चालन अनुमतिको व्यवस्थाका लागि सरकारसमक्ष माग गर्दै आएका थिए ।
