१४ पुस, काठमाडौं । नेपाल भलिबल सघंको एघारौं साधारणसभा माघको पहिलो साता हुने भएको छ ।
संघले सूचना जारी गर्दै आउँदो माघ ६ गते सिन्धुपाल्चोकको सुकुटेमा साधारणसभा हुने जनाएको हो ।
सभामा केन्द्रिय कार्यसमितिको तर्फबाट महासचिबद्वारा प्रस्तुत संघको वार्षिक कार्य प्रगति प्रतिवेदन तथा आगामी कार्ययोजना उपर छलफल गरी पारित गर्ने तयारी छ ।
त्यसैगरी कोषाध्यक्षद्वारा आर्थिक प्रतिवेदनसहित वित्तीय विवरण माथि छलफल गरि पारित गर्ने, आ.व. २०८१/०८२ को लागि लेखापरिक्षकको नियुक्ति र पारिश्रमिक निर्धारण गर्नेलगायतका विषयहरूमा छलफल हुनेछ ।
