नेपालगन्ज – बाँकेकाे नाैवस्तामा रहेकाे बाल सुधारगृहबाट तीन जना बन्दी भागेका छन् ।
खाना दिन जाने क्रममा प्रहरीलाई पन्यूले हानेर १२ जना बालबन्दी फरार भएका थिए । त्यसमध्येमा नाै जनालाई प्रहरीले समातेकाे छ ।
तीन जना सम्पर्कबिहीन भएका छन् । प्रहरी स्राेतका अनुसार, बाँकेका सुशान्त भण्डारी, कास्कीका सुरज गुरुङ र दैलेखका दिनेश बुढा फरार भएका हुन् ।
प्रहरीले उनीहरूकाे खाेजी गरिरहेकाे जिल्ला प्रहरी कार्यालय, बाँकेका प्रहरी निरीक्षक याम बुढामगरले जानकारी दिए । नाैवस्ताबाट यसअघि भागेका तीन जना अझै समातिएका छैनन् ।
