काठमाडौँ- राष्ट्रिय स्वतन्त्र पार्टीको सभापति रवि लामिछानेलगायत पाँच वटा कम्पनीका १० जनाविरुद्ध जिल्ला प्रहरी कार्यालय चितवनमा पनि जाहेरी परेको छ ।
चितवनका प्रहरी प्रमुख प्रहरी उपरीक्षक गौतम मिश्रले जाहेरी लिएर अनुसन्धान सुरु भएको देशसञ्चारलाई बताए।
उनले भने, ‘रवि लामिछाने, छविलाल जोशीलगायत पाँच वटा कम्पनीका १० जनाविरुद्ध जाहेरी परेको छ। हामीले अनुसन्धान सुरु गरिसकेका छौं।’
सहारा चितवन बहुउद्धेश्यीय सहकारी संस्थाका बचतर्कताले उनीहरूविरुद्ध जाहेरी दिएका प्रहरीले जनाएको छ।
पोखरा, रुपन्देही तथा काठमाडौँमा सहकारी बचत अपचलन मुद्दामा उनीहरूमाथि अनुसन्धान भइरहेको छ।
