८ असोज, काठमाडौं – वर्षाको कारण आईसीसी विश्वकप लिग -२ मा नेपाल र ओमानबीचको खेल रद्द भएको छ । खेल नेपाली समय अनुसार आज राती ८ : ४५ मा क्यानडाको किंग सिटीमा सुरु हुनुपर्ने थियो । तर क्यानडामा बिहानै देखि वर्षा हुँदा खेल हुन सकेन । निरन्तर वर्षाको कारण खेल रद्द भएको हो । योसँगै दुबै टोलीले १-१ अंक बाँडेका छन् ।
नेपाल पहिलो खेलमा क्यानडासँग १०३, दोस्रो खेलमा ओमानसँग १ विकेट र तेस्रो खेलमा क्यानडासँग ५ विकेटले पराजित भएको थियो । अव नेपाल, क्यानडा र ओमानबीच त्रिकोणात्मक टी२० सिरिज हुनेछ ।
लिग २ मा नेपाल ८ खेलमा ३ अंकका साथ सातौं स्थानमाछ । ओमान ७ खेलमा २ मा जितका साथ ६ अंक जोड्दै छैटौं स्थानमा छ । क्यानडा ११ खेलमा १४ अंकका साथ शीर्ष स्थानमाछ । अमेरिका र नेदरल्यान्ड्सको समान १२-१२ अंक छ । नेटरनरेटका कारण अमेरिका दोस्रो र नेदरल्यान्ड्स तेस्रो स्थानमा छन् ।
