२ असोज, काठमाडौं । भोलि बिहीबारदेखि सर्वसाधारणका लागि धरहरा चढ्न पाइने भएको छ । केन्द्रीय आयोजना कार्यान्वयन इकाइ (भवन तथा आवास) का परियोजना का प्रमुख कोषनाथ अधिकारीले काठमाडौंको सुन्धारास्थित नवनिर्मित धरहरा भोलिदेखि पढ्न पाइने बताए ।
उनका अनुसार सरकारले शहरी विकास मन्त्रालयमार्फत भोलिदेखि धरहरामा दैनिक करिब ५०० जनालाई चढ्न दिने गरी व्यवस्थापन गर्दैछ ।
विहान ११ बजेपछि प्रत्येक आधा घण्टामा १०० जनाका लागि टिकट बुक गर्ने गरी व्यवस्था गरिएको उनको भनाइ छ ।
अर्को निर्णय नभएसम्मका लागि धरहराको प्रवेश टिकट निःशुल्क गरिनेछ । धरहराभित्रको पार्किङ पनि निःशुल्क हुनेछ ।
हेर्नुहोस् तस्वीरहरू :
