१९ भदौ, काठमाडौं । पारालिम्पिक्समा पदक जितेकी तेक्वान्दो खेलाडी पलेशा गोवर्धनले ६५ लाख रुपैयाँ नै पाउने भएकी छन् ।
बुधबार स्वदेश फर्किएकी उनले साँझ प्रधानमन्त्री केपी शर्मा ओलीलाई भेटेकी थिइन् । भेटपछि प्रधानमन्त्री ओलीले पलेशालाई सरकारले दिने पुरस्कारमा लाग्ने कर छुट दिने घोषणा गरेका हुन् ।
फ्रान्सको पेरिसमा गत शनिबार पलेशाले पारालिम्पिक्सको के ४४ क्याटेगोरी ५७ केजीमा कांस्य जितेकी थिइन् ।
५ लाखसम्म पुरस्कारमा आकस्मिक लाभ कर लाग्दैन, थपमा २५ प्रतिशतसम्म आकस्मिक लाभ कर लाग्छ । तर प्रधानमन्त्रीले छुट दिने बताएका हुन् ।
