बाँके । बाँकेको नरैनापुर गाउँपालिका वडा नम्बर ६ स्थित दोन्द्रा खोलामा फसेका व्यक्तिहरूको उद्धार गरिएको छ।
राप्तीसोनारी गाउँपालिका वडा नम्बर ७ बस्ने वर्ष अं.५० को कुल बहादुर थारुको उद्धार गरिएको हो । खोला तर्ने क्रममा उक्त खोलाको बिच जँघारमा फसेको भनि खबर प्राप्त हुनासाथ ईलाका प्रहरी कार्यालय भगवानपुरबाट खटिएको प्रहरी टोलिले थारुलाई उद्धार गरेको छ ।
सोही क्रममै खोलाको डिलमा बसेर हेर्दै गरेका सोही ठाउँ बस्ने वर्ष ४८ को सहजराम मौर्य र वर्ष २८ को परशुराम यादव उक्त खोलामा खसेको अवस्थामा निज तिनै जनालाई सकुशल उद्धार गरिएको प्रहरीले जनाएको छ।
