फाइल फोटो
२७ असार, काठमाडौं । भैरहवा विमानस्थलको रनवेमा बुद्घ एयरको जहाज चिप्लिएर घाँसे मैदानमा पुगेको छ ।
काठमाडौंबाट भैरहवा गएको नाइन एन-एओसी जहाज आज राति ९ बजेतिर रनवेमा चप्लिएकाे हो । उडान नम्बर ८०५ को सो जहाज भारी वर्षाका कारण चिप्लिएको बताइएको छ ।
जहाजकाे केही भाग घाँसे मैदानमा पुगेकाे थियाे ।
बुद्ध एयरका अनुसार सम्पूर्ण यात्रु र चालक दलका सदस्य सुरक्षित छन् । काठमाडौंबाट आजै प्राविधिक टिम त्यसतर्फ पठाइएको छ ।
विस्तृत विवरण आउन बाँकी छ ।
