वीरगंज/ लाल मोहम्मद अन्सारीको हत्यामा संलग्न भएको आरोपमा वीरगंजबाट तीन जना पक्राउ परेका छन् ।
अंसारीको हत्या गर्न सुटरहरूलाई पेस्तोल उपलब्ध गराउने वीरगंजका मोहम्मद महाराम सहित ३ जनालाई प्रहरीले छुट्टा छुट्टै स्थानबाट पक्राउ गरिएको हो।
मोहम्मदलाई शुक्रबार वीरगंजबाट पक्राउ गरिएको प्रहरी स्रोतले जनाएको छ ।
त्यसैगरी प्रहरीले मधेस प्रदेशबाट अर्का एक जना व्यक्तिलाई पनि पक्राउ गरेको छ । प्रहरीले पत्रकार सम्मेलन गरेर पक्राउ परेका व्यक्तिबारे जानकारी दिने बताएको छ।
गत असोज ३ गते काठमाडौंको गोठाटारस्थित जम्बुडाँडामा गार्मेन्ट व्यवसायी लाल मोहम्मदको गोली हानी हत्या भएको थियो । मोटरसाइकलमा आएका २ जनाले गोली हानी फरार भएका थिए।
