चन्द्रसूर्य समाचारदाता/
बारा, ०९ श्रावण/ शान्ति-सुरक्षा, सीमा रक्षा, मात्र नभई सामाजिक एवं धार्मिक कार्यमा पनि सशस्त्र प्रहरी बल नेपाल सदैव अग्रपंक्तिमा छ भन्ने सन्देशका साथ सशस्त्र प्रहरी बल नेपाल नं. १२ गण हे.कवा. बाराले विश्व प्रसिद्ध गढीमाई मन्दिरको सरसफाई गरेको छ ।
गुरु पूर्णिमाको अवसर पारेर सशस्त्र प्रहरी बल नेपाल नं. १२ गण हे.कवा. बाराका गणपति सशस्त्र प्रहरी उपरीक्षक रबिनराज कर्णजीतको नेतृत्वमा ४५ जनाको समूहमा रहेका सशस्त्र प्रहरीहरुको टोलीले मन्दिर परिसर र क्षेत्रमा सरसफाई गरेका हुन् ।
सो कार्यक्रममा गणका गणपति सशस्त्र प्रहरी उपरीक्षक रबिनराज कर्णजीत, सोही गणका सशस्त्र प्रहरी नायब उपरीक्षक संजिब पाण्डे, गढीमाई मन्दिर ब्यबस्थापन समितिका अध्यक्ष लगायत पदाधिकारीहरुको समेत सहभागिता रहेको थियो । मन्दिर सरसफाइबाट सो क्षेत्रको सौन्दर्यकरण र वातावरणीय शुद्धतामा समेत सकारात्मक टेवा पुग्ने देखिएको छ ।
