१४ मंसिर, काठमाडौं । चीन भ्रमणमा रहेकी परराष्ट्रमन्त्री आरजु राणा देउवाले चिनियाँ विदेशमन्त्री वाङ यीसँग भेट गरेकी छिन् ।
शुक्रबार चीनको शहर छेङ्दुमा उनीहरूबीच भेटवार्ता भएको परराष्ट्रमन्त्री राणाको सचिवालयले जनाएको छ ।
परराष्ट्रमन्त्री राणा हिजो (बिहीबार) चीन भ्रमणमा गएकी थिइन् । प्रधानमन्त्री केपी शर्मा ओलीको आसन्न चीन भ्रमणको तयारीका लागि उनी त्यसतर्फ गएकी हुन् ।
परराष्ट्रमन्त्री राणा भोलि (शनिबार) स्वदेश फर्कने कार्यक्रम छ । उनी आगामी सोमबार प्रधानमन्त्री ओलीसँग पुनः चीन जानेछिन् ।
