नेपालगञ्ज । बर्दिया कप क्रिकेटको उपाधि राजापुर नगरपालिकाले जितेको छ । बर्दियाको गुलरियामा जिल्ला क्रिकेट सङ्घ बर्दियाद्वारा शुक्रवार आयोजित बर्दिया कप क्रिकेट टी–ट्वान्टी प्रतियोगिताको फाइनल खेलमा बर्दिया क्रिकेट एकेडेमी (ए) लाई २१ रनले पराजित गर्दै राजापुर नगरपालिकाले उपाधि जितेको हो ।
टस जितेर पहिले ब्याटिङ गरेको राजापुर नगरपालिकाले निर्धारित २० ओभरको खेलमा १६.३ ओभर खेल्दा १० वटै विकेट गुमाउँदै ९१ रन बनायो । ९२ रनको विजयी लक्ष्य पछ्याएको बर्दिया क्रिकेट एकेडेमी (ए) निर्धारित २० ओभरको खेलमा १८.३ ओभर खेल्दै ७० रनमै अल आउट हुँदा राजापुर नगरपालिकासँग २१ रनले पराजित भयो ।
उपाधिसँगै राजापुर नगरपालिकाले ५० हजार ५ सय रुपैयाँ प्राप्त नगद प्राप्त गरेको छ भने उपविजेता बर्दिया क्रिकेट एकेडेमी (ए) ले नगद २५ हजार १ सय नगद प्राप्त गरेको छ ।
मङ्सिर ८ गतेदेखि सुरु भएको बर्दिया कप क्रिकेट टी(ट्वान्टी प्रतियोगितामा पाँच वटा टिमको सहभागिता रहेको थियो ।
