बाजुरा । बाजुराको सदरमुकाम मार्तडीमा अटो दुर्घटनामा भएको छ । साँफे मार्तडी सडकखण्डको कारागार नजिकै बीरेखोलाबाट सदरमुकाम मार्तडी तर्फ जाँदै गरेको सुपप्र ०१–००१ ह ६४८५ नम्बरको अटो अचानक अनियन्त्रित भएर दुर्घटनामा परेको जिल्ला प्रहरी कार्यालय बाजुराका प्रहरी निरीक्षक एवम् प्रवक्ता जनक बोहराले बताउनुभयो।
अटो दुर्घटनामा परेर चालक सहित तीन जना घाइते भएका छन् । घाइते हुनेमा बडीमालिका नगरपालिका–८ बीरेखोला बस्ने अटो चालक २३ वर्षीया गोविन्द साउँद, सोही वडाको रापक बस्ने २० वर्षीया प्रकाश रावल र सोही वडाका २१ वर्षीया दीपेन्द्र रावल रहेका जिल्ला प्रहरी कार्यालय बाजुराले जनाएको छ।
घाइते तिनै जनाको जिल्ला अस्पताल बाजुरामा उपचार भइरहेको छ । दुर्घटनामा परेको अटो सडक बाट करिब २ सय मिटर तल खसेको हो। घाइतेहरूको अवस्था उपचार पश्चात् सामान्य हुँदै गएको प्रहरीले जनाएको छ ।
