भक्तपुर । भक्तपुरमा टिपरले साइकललाई ठक्कर दिँदा साइकल यात्रीको मृत्यु भएको छ । मृत्यु हुनेमा भक्तपुर नगरपालिका–८ लिवालीका ६५ वर्षीय आसनारा कोजु रहेका छन् ।
आज दिउँसो भनपा–९ तुमचो दुगुरे सडकखण्डमा भत्क्यापाटीबाट च्यामासिंहतर्फ आउँदै गरेको बा ४ ख ४९३१ नम्बरको टिप्परले सोही दिशातर्फ आउँदै गरेको साइकललाई चोखामरु चोक नजिक ठक्कर दिँदा साइकल चालक कोजु गम्भीर घाइते भएका थिए ।
उपचारका लागि अस्पताल लगिएकोमा कोजूलाई ख्वपः अस्पतालले मृत घोषणा गरेको हो । दुवै सवारी साधन र टिपर चालक सिन्धुपाल्चोक मेलम्ची– ९ भई हाल भनपामै अस्थायी बसोबास गर्ने वर्ष ३३ का अमिर तामाङ प्रहरी वृत्त जगातीको नियन्त्रणमा रहेका छन् ।
