Thursday, July 25, 2024
घरसमाचारसडक डिभिजनको इन्जिनियर भन्दै ठगीको आरोपमा एकजना पक्राउ

सडक डिभिजनको इन्जिनियर भन्दै ठगीको आरोपमा एकजना पक्राउ

२७ असार, काठमाडौं। सडक विभागको इन्जिनियर बताउँदै नक्कली परिचय दिएर ठगीको आरोपमा एक जनालाई प्रहरीले पक्राउ गरेको छ ।

पक्राउ पर्नेमा बैतडीको डिलासैनी गाउँपालिका–१ घर भएका २७ वर्षीय नरेन्द्र साउद छन् । उनलाई काठमाडौं उपत्यका अपराध अनुसन्धान कार्यालयको टोलीले बुधबार सिनामंगलबाट पक्राउ गरेको हो ।

सडक विभागको इन्जिनियर भएको बताउँदै सामाजिक सञ्जालमार्फत विभिन्न महिलाहरुसँग साथी बन्ने र प्रेम तथा विवाहको प्रलोभन देखाएर ठगी गर्न खोजेको प्रहरीले जनाएको छ । नक्कली फेसबुक आइडी बनाएर आपराधिक लाभ लिने खोजेको भन्दै प्रहरीले उनलाई पक्राउ गरेको हो ।

पक्राउ परेका साउदलाई थप अनुसन्धान तथा कारबाहीका लागि जिल्ला प्रहरी परिसर काठमाडौं पठाइएको छ ।

साभार लिंक

अर्को के पढ्ने...
- Advertisment -spot_img
- Advertisment -